ចំណតផែពហុបំណង TS៣

ចំណតផែពហុបំណង TS៣ ជាទីស្នាក់ការកណ្តាលប្រវត្តិសាស្ត្ររបស់កំពង់ផែស្វយ័តភ្នំពេញ ដែលជាទីតាំងយុទ្ធសាស្រ្តតាមបណ្តោយទន្លេសាប លើតិរវិថីព្រះស៊ីសុវត្ថិ សង្កាត់ស្រះចក ខណ្ឌដូនពេញ រាជធានីភ្នំពេញ។ ចំណតផែពហុបំណងដ៏ល្បីល្បាញនេះ បានដើរតួនាទីយ៉ាងសំខាន់ក្នុងប្រវត្តិសាស្ត្រដែនទន្លេរបស់ប្រទេសកម្ពុជា ដែលបម្រើជាមជ្ឈមណ្ឌលសម្រាប់ដឹកទំនិញកុងតឺន័រនាពេលកន្លងមក ហើយបច្ចុប្បន្ន ក.ស.ភ. បានប្រែក្លាយជាចំណតផែបម្រើដល់វិស័យទេសចរណ៍ប្រកបដោយសក្តានុពលខ្ពស់។

ដើម្បីបំពេញតម្រូវការកើនឡើងនៃទំនិញកុងតឺន័រ ក.ស.ភ. បានវិនិយោគក្នុងការអភិវឌ្ឍន៍ចំណតផែកុងតឺន័រ LM១៧ ទៅជាចំណតផែកុងតឺន័រទំនើប។ ជាមួយនឹងការអភិវឌ្ឍនេះ, ចំណតផែពហុបំណង TS៣ បានផ្លាស់ប្តូរជាចំណតផែពហុបំណង ដែលអាចប្រើប្រាស់ជាច្រើនរូបភាព។ ខណៈពេលដែលវាបន្តប្រតិបត្តិការប្រកបដោយប្រសិទ្ធភាព ចំណងផែពហុបំណង TS៣ ក៏បានលេចចេញជាចំណតទេសចរណ៍ដ៏សំខាន់ផងដែរ ដែលបម្រើដល់វិស័យទេសចរណ៍ដែលកំពុងរីកចម្រើន។

លក្ខណៈពិសេសរបស់ TS៣

• ប្រភេទ៖ ជាចំណតផែទេសចរណ៍ចម្បង
• ជម្រៅទឹក៖ ៤,៥ ម៉ែត្រនៅរដូវប្រាំង
• ចម្ងាយ៖ ២៤៥ គីឡូមែត្រ ឬ ១២ - ១៥ ម៉ោង (រវាង TS៣ ទៅចំណតផែនៅប្រទេសវៀតណាម)
• ហេដ្ឋារចនាសម្ព័ន្ធ និងគ្រឿងបរិក្ខារ៖

• • ផ្ទៃដី៖ ៨,៦ ហិកតា
  • ចំណត៖ ៥ គ្រឿង
  • ស្ថាននីយ៍អ្នកដំណើរ និងទេសចរណ៍៖ ១ស្ថាននីយ៍
  • ស្ពានផែ៖ ២០ម x ៣០០ ម
  • ប៉ុងតុង៖ ៣គ្រឿង

ការប្តេជ្ញាចិត្ត
ក.ស.ភ. ប្តេជ្ញាចិត្តក្នុងការផ្តល់នូវសេវាកម្មចំណតផែនដ៏មានគុណភាពខ្ពស់ និងបំពេញតម្រូវការរបស់អតិថិជនរបស់ខ្លួន។ ក.ស.ភ. ដែលមានបទពិសោធន៍ និងហេដ្ឋារចនាសម្ព័ន្ធទំនើបៗរបស់ចំណតផែធានានូវប្រតិបត្តិការរលូន និងការគ្រប់គ្រងប្រកបដោយប្រសិទ្ធភាព។ នៅពេលប្រទេសកម្ពុជាបន្តរីកចម្រើន និងអភិវឌ្ឍន៍ ចំណតផែពហុបំណង TS ៣ មានទីតាំងល្អក្នុងការដើរតួនាទីយ៉ាងសំខាន់ក្នុងភាពរីកចម្រើនសេដ្ឋកិច្ចរបស់ប្រទេស។