ចំណតផែរណបពហុបំណង LM២៦

ស្ថិតនៅតាមដងទន្លេមេគង្គក្រោម ក្នុងភូមិសាស្រ្តភូមិកោះរការ ឃុំកោះរកា ស្រុកពាមជរ​ ខេត្តព្រៃវែង ចំណតផែរណបពហុបំណង LM២៦ មានទីតាំងក្នុងតំបន់យុទ្ធសាស្ត្រនៅជិតព្រំដែនកម្ពុជា-វៀតណាម។ ទីតាំងនេះធ្វើឱ្យចំណតផែរណបពហុបំណង LM២៦ ក្លាយជាមជ្ឈមណ្ឌលដ៏ល្អសម្រាប់ការនាំចេញទំនិញកសិផល និងកសិឧស្សាហកម្ម ដូចជាស្រូវ និងដំឡូងមី ទៅទីផ្សារប្រទេសជិតខាង។ បន្ថែមពីលើនេះ ចំណតផែរណបពហុបំណង LM២៦ នេះ ជាចំណុចនាំចូលដ៏សំខាន់សម្រាប់ធ្យូងថ្ម ដែលមានសារៈសំខាន់សម្រាប់តំបន់សេដ្ឋកិច្ចពិសេសក្បែរៗនោះ។

ចំណតផែរណបពហុបំណង LM២៦  ផ្តល់ជូននូវសេវាកម្មដ៏សម្បូរបែបដើម្បីបំពេញតម្រូវការរបស់អតិថិជន។ ក្រុមការងារដែលមានបទពិសោធន៍ និងហេដ្ឋារចនាសម្ព័ន្ធទំនើបរបស់ចំណតផែរណបពហុបំណង LM២៦  ធានានូវប្រតិបត្តិការលើកដាក់ និងដឹកជញ្ជូនប្រកបដោយប្រសិទ្ធភាព។

លក្ខណៈសំខាន់ៗរបស់ ចំណតផែរណបពហុបំណង LM២៦៖

• ប្រភេទទំនិញ៖ ទំនិញចាក់ធារ និងទំនិញរាយ
• ជម្រៅទឹក: ៤,៥-៥,៥ ម៉ែត្រនៅរដូវប្រាំង
• ចម្ងាយ: ៣០០ -៣៧៥ Km ឬ ២២ - ៣០ ម៉ោង(ពី LM២៦ ទៅកំពង់ផែប្រទេសវៀតណាម)
• ហេដ្ឋារចនាសម្ព័ន្ធ និងគ្រឿងបរិក្ខារ៖
  • ទំហំដី : ២០ ហិចតា
  • ចំណត៖ ១ ចំណត
  • ទរបង្ហូរទំនិញ៖ ៨ គ្រឿង
  • សមត្ថភាពដងយោង (Crawler Crane ១ ០០០តោន): ១០-១៥ MPH
  • ស្ថានីយ៍ជញ្ជីងថ្លឹង៖ ២ ស្ថានីយ៍
  • ឃ្លាំង៖ ១ (៣០ម៉ែត្រ x 50ម៉ែត្រ)

ចំណតផែរណបពហុបំណង LM២៦ ជាចំណតផែដែលមានការតភ្ជាប់ជាមួយបណ្តាញដឹកជញ្ជូនដ៏ធំទូលាយ ដែលភ្ជាប់ទៅដល់ផ្លូវជាតិលេខ១ និងផ្លូវក្រាលកៅស៊ូឆ្ពោះទៅផ្សារអ្នកលឿង។ ការតភ្ជាប់នេះអនុញ្ញាតឱ្យដឹកជញ្ជូនទំនិញចេញចូលចំណតផែរណបពហុបំណង LM២៦ ដោយរលូន។

ដោយទីតាំងអំណោចផល ហេដ្ឋារចនាសម្ព័ន្ធ និងប្រតិបត្តិការប្រកបដោយប្រសិទ្ធភាព ចំណតផែរណបពហុបំណង LM២៦ ផ្តល់នូវអត្ថប្រយោជន៍ដ៏ប្រកួតប្រជែងដល់អាជីវកម្មដែលកំពុងប្រតិបត្តិការនៅក្នុងតំបន់។ តម្លៃប្រកួតប្រជែង និងកញ្ចប់សេវាកម្ម ដែលមានតម្លៃសមរម្យបានធ្វើឱ្យចំណតផែរណបពហុបំណង LM២៦ ក្លាយជាជម្រើសដ៏គួរឱ្យទាក់ទាញសម្រាប់ក្រុមហ៊ុនដែលស្វែងរកដំណោះស្រាយដឹកជញ្ជូនប្រកបដោយប្រសិទ្ធភាព និងគួរឱ្យទុកចិត្ត។